tante reisande åse

laurdag morgon og me nærast spurta ned til første etasje der frukosten vart servert. fint dekka bord og sola som sneik seg inn vindauga. rykande varm kaffi, egg i alle variantar, herlege brød og knekkebrød og mykje godt pålegg. me var ikkje blant dei første som forsynte oss av frukostbordet, så det bugna ikkje i sortimentet. men me vart mette. i tillegg traff me tilfeldigvis kjentsfolk som me slo av ein prat med. det var ein kald og klar dag, stilongsen og vettene vart ikkje overflødige. me spaserte utover mot moloen der fyret molja ligg. dette er eit fyrtårn som hotell brosundet eig, og du kan leige det som eit hotellrom. kven som helst kan gå ut til det, så eg tippar privatlivet blir sett litt på prøve. men sikkert ei fin oppleving dersom du har råd. på ei kai rett over sundet hadde ei folkemengde samla seg, og me såg at nokre hadde instrument som dei byrja å klunke litt på. dette skulle seinare vise seg å vere eit korps som tok til å spele då hurtigruteskipet lofoten kom inn til kai. me tusla oss innover att, til glasblåsarverkstaden til ingrid. her var alle velkomne inn i varmen. i glashytta kunne ein handle glas, vasar, skåler, små kattar -alt muleg glasverk i fine fargar. me helste på pusen peder som var blitt tatt inn i varmen etter eit langt liv ute, og kjøpte nokre småting. etter ei stund kom våre venner og saman gjekk me på den koselege bruktbutikken/kafeen trankokeriet antikk. ein flott bruktbutikk der innehaverane tydeleg har auge for skattar. eg kom ut att med eit grønt kortstokketui (med kort) og to gamle prospektkort frå bergen. kaffeen hadde ei nydeleg utsikt utover sundet, men me hadde meir me ville sjå, så det bar ut i kulda att. etter å ha fått audiens hjå stx og sett den fantastiske utsikta deira,  gjekk me oppover mot ålesund kirke -ei flott steinkyrkje frå 1909. det var bryllup der denne laurdagen, så me kunne ikkje gå inn. ålesund er stort sett prega av stein og murbygningar. då dei skulle til å byggje opp byen att etter brannen i 1904, vart det bestemt at bykjerna sine hus ikkje skulle byggjast i tre, fordi det er meir utsett for brann. og heldigvis for ålesund vart byen bygd opp då jugendstilen hadde si storheitstid. organiske mønster og nasjonalromantiske idear prega arkitekturen. og besøkjer du ålesund, er eit besøk på jugendstilsenteret eit «må-sjå»! dette var det tidlegare svaneapoteket, og apotekaren jørgen anton øwre sin bustad. det var gratis inngong, noko som sikkert hadde samanheng med eit foredrag som skulle haldast litt seinare på dagen. me gjekk opp i første etasje, via den nydelege trappeoppgangen. me fekk sjå etestova til apotekaren -heilt inntakt. vasar, servise og skap i same stil var utstilt, og me kunne sjå og samanlikne internasjonale verk, m.a. av vår favoritt toulouse lautrec. våre vener måtte forlate oss, men me sette oss ned i kafeen der foredraget skulle stå. jeremy welsh kom frå kunstakademiet i bergen og viste videosnuttar. me måtte gå i pausen, for me ville sjå meir av jugendutstillinga. og det fekk me i form av ein «heis» som skulle forestille ei tidsmaskin der me reiste tilbake til 1904. me fekk historiar frå dagen då brannen starta, og dagane -og åra, etter. svært interessant. det tok omlag 15-20 minuttar, og sidan museet snart stengde, forta me oss ned i kjellaren der me kunne gå over til kube. der vart me møtt av utstillinga «den lengste reisen«, som viste kongefamilien si flukt og opphald under andre verdskrig. svært kjekt å sjå, ikkje minst sidan eg skreiv særoppgåve om dette på ungdomsskulen. utstillinga omfatta uniformane til både kong haakon og kronprins olav, vesle prins harald sin strikkegenser, fiktive pass, videosnuttar og mykje anna. etter å ha sett denne hadde me litt tid til å sjå i resten av kunstmuseet kube, og kjøpe med ei bok om charles rennie mackintosh. klokka var fire, og mange butikkar var stengt. det som er fint med ålesund er at sentrum ikkje er større enn at det er ein fin spasertur frå brosundet til gågata. me såg etter ein kafe med fin utsikt, og enda opp på anno. der dekka dei til kveldens middag, men den hyggelege servitøren gav oss eit bord og noko godt i glaset. etter ei stund kom me i snakk med denne hyggelege servitøren, som viste seg å vera inge solmo -grand prix mannen! me lurte på om det var nokon plass me kunne sjå finalen i grand prix denne kvelden, noko inge måtte beklage seg over at det ikkje var. men som eit plaster på såret kom han med to eksemplar av boko si, «absolutt grand prix» som han velvilleg signerte. me kunne prata med inge heile kvelden, han kunne i alle fall ha prata med oss, men me hadde middagsavtale med maki klokka 19, og måtte skunde oss tilbake til hotellet. reservasjonen måtte utsettjast ein halvtime (av underteikna), men det var like greit for det var ein halvtime mindre med verdas mest bråkete restaurantfølgje. maki ligg i hotell brosundet sin første etasje, og er det same rommet me hadde ete frukost i tidlegare. det var no kledd med kvite dukar og sølvlysestakar. ein høfleg servitør presenterte menyen som bestod av ikkje mindre enn sju rettar -som me sjølvsagt gjekk for. på dette tidspunktet var me så svoltne at det var tilløp til hoveverk. då hjelpte det ikkje med det store selskapet i andre enden som hadde med seg ungane sine. det er ikkje så vanleg å sjå ungar på gourmetrestaurantar, sjølv om det ikkje er noko gale med det. men når dei spring rundt i eit ganske lite lokale, ut og inn døra, hoiar og skrik, og foreldra ikkje har vet til å ta affære, må nokon våge å sei ifrå. det var det ingen som gjorde. dei få gjestane som var her denne kvelden såg forundra på kvarandre, ungane og servitørane. eg overdriv ikkje når eg seier at atmosfæra vart hundre kilo lettare etter at dei gjekk. maten var uansett så god at den overskygga alt anna. perfekte komponerte sjømatrettar, og smakar som overraska. eg er ikkje nokon kjøtetar, men kunne ete alt som vart servert. dei komponerte til og med ein eigen saus istadenfor oksehalen. om me ikkje hadde vore mette før, så vart me det i allefall no! me måtte opp på rommet etterpå for å opne ein knapp eller to, og fekk akkurat med oss margareth berger som hadde vunne kveldens finale i melodi grand prix -hurra! me avslutta kvelden som sist, eit glas på dirty nelly og eit i hotellbaren.
neste dag var det ikkje så allverda med tid, me nytte frukosten ekstra lenge og la oppo ei ekstra skive. utsjekkinga gjekk finfint og me kunne settje frå oss bagasjen der. resepsjonsdama hadde full oversikt over kva fly som gjekk og insisterte på å bestille hotel shuffle’en til oss. noko me ikkje var vidare hypp på. me takka nei og gjekk for å sjekka flybusstidene på rutebilstasjonen.  det var akkurat tid til ein tur på storhaugen, og herifrå var det flott utsikt!   me skulle sjølvsagt ha fått med oss ein tur opp til fjellstua, men dette vart det ikkje tid til -denne gongen. flybussen var presis og skulle berre ha omlag halvparten av det shuffle’en kosta. etter litt forseinkingar hjå norwegian sat me på flyet på veg heim. flottaste jugendbyen ålesund var vel verdt ein tur! eg har ein mistanke om dette ikkje blir det einaste besøket her til.

me hadde ein vellukka første dag i jugendbyen igår (fredag). frå før hadde me fått beskjed om at innflyginga her var den finaste i landet, noko me sa oss heilt enige i. eit mektig skue møtte oss i det me steig ut av flyet. stille hav og høgreiste, kvitkledde tindar. fjell eg ikkje har sett maken til.
me fekk bagasjen vår og gjekk mot passasjertransporten. der stod ein flybuss og eit par «hotel shuffle»bilar med diverse hotell-logoar på. me spurte om dei køyrde til brosundet, noko dei bekrefta. etter eit langt kvarter i den iskalde maxi-taxien med døra vidopen, kom sjåføren og me kunne endeleg betale og kome oss avgarde. 260,- for to for denne turen synest eg var i overkant mykje. hotellet vårt var heldigvis det første på ruta. me sjekka inn hjå den hyggjelege resepsjonsdama som gav oss generelle opplysningar. frukosten vart servert til klokka 11 -som me var ganske nøgde med. ho spurde vidare om me var interessert i å ete i restauranten deira maki, noko me hadde tenkt å gjere neste dag. ho anbefalte oss å reservere bord, så det gjorde me. rommet vart inspisert og godkjend. det var veldig kaldt på rommet, så me gav beskjed om det når me gjekk ut. me gjekk ikkje så langt, berre bort til invit og tok ein kaffi. etter det spaserte me litt
og befant oss snart på eit av byens små kjøpesenter. litt handling vart det, og etterkvart traff vi vår veninne som bur like utanfor byen. ho viste oss litt rundt før me tok ein sein lunch på ein koseleg kafé. etter dette gjekk me tilbake til hotellet og gjorde oss klar for ylvis 4. showet skulle foregå i parken kulturhus, som var ein omlag ti minuttars (iskald) spasertur frå hotellet vårt.
fullsett sal og me på andre rad var klare som egg for ylvis, og ingen vart skuffa! me lo som me grein og litt til. det var ubekvemt, hysterisk, idiotisk og fantastisk. etter halvannan time var me ute i vinternatta att, og leita opp c&c restaurant. me fekk det siste ledige bordet for kvelden og kjende oss heldige. ikkje mindre heldige kjende me oss etter å ha bestilt trerettaren med
bøklingmousse til forrett
yoghurtmarinert kveite til hovudrett
og sorbet til dessert 
i tillegg spurte me etter heimelaga likør, sidan me hadde høyrt at dei var gode på nettopp dette. og det var dei! me avslutta kvelden med eit glas på dirty nelly og -så til slutt i vår eigen hotellbar. ein vellukka dag i ålesund!

i skrivande stund sit me på eit norwegianfly og nyt utsikta av noregs fantastiske snøkledde fjell og fjordar. for eit skue!
mest som det er verd heile flyreisa. som forøvrig blir ganske kort denne gongen, me skal til ålesund! program for turen: landing på vigra rundt 14.00, innsjekking på hotell brosundet, by-orientering, ylvis show klokka 19. laurdag håpar me å treffe vener for å få ei skikkeleg omvising. me gler oss til å ta jugendbyen i nærare augesyn, for dette er ein by me har hatt lyst til å besøkje lengje. no har me alt starta nedstinginga, hallo ålesund!