godt nytt reiseår!

det er muleg eg har starta alle dei første innlegga i eit nytt år med akkurat den overskrifta. men dette året blir ikkje som dei andre. det kan eg sei utan å ha opplevd meir enn sju dagar av 2015.
på instagram posta eg nyleg eit bilete av ei bok. rough guides si guidebok til skottland, og sa at det snart kom ei overrasking. og her kjem den:
me skal nemleg flytta til aberdeen i midten av mars! mannen har fått seg jobb der, og me gler oss stort allerede til å bli skottar. det er veldig mykje som skal ordnast før den tid, så det blir svært travle veker framover. og som om ikkje det skulle vera nok, reiser me på ferie til australia i midten av februar. der skal me blant anna vera gjestar i bryllupet til tremenningen min i hobart, tasmania.
eg lovar å halda dykk oppdatert, og ser fram til nye fantastiske reiser.

in other words: we’re moving to aberdeen, scotland in mid march! but first, we shall conquer australia.