Skip to content

kort fortald

august 5, 2014

me nyt for tida ferien på hytta vår. hytteferie i noreg er også herleg, og fint når ein treng å fordøya elleve flotte dagar i baskerland og omegn. la inntrykka søkkja inn og sjå på alle dei fine bileta. for å ta eit kort samandrag, var ruta vår slik: me tok fly frå bergen til amsterdam, der me enda opp i haag, før me fauk vidare til bilbao. der hoppa me bokstaveleg talt på ein buss som tok oss til san sebastian (eller donostia som dei seier på baskisk) kor me budde i fem netter. me leigde bil og køyrde nedover baskerlandet, via vitoria gasteiz som er baskarane sin hovudstad, til logroño: hovudstaden i vindistriktet la rioja. herifrå sette me kursen mot aust og vittja byane olite og ujue, før me nådde skyene i enden av pyreneane kor den vesle staden roncesvalles låg. ved hjelp av vår ven gps’en kunne me sjå at me kryssa grensa mot frankrike, uten å fysisk sjå noko som helst til det. utanom eitt og anna fromage-skilt longs vegen. i den idylliske byen saint-jean-pied-de-port gjorde me eit kort, men veldig fint stopp, før me freste nordvestover til den meir eller mindre stilige biarritz. det var både kjekt og litt vrient å omstilla seg til fransk etter ei stund i spania. det viste seg både i språk, kostnadar og «reglar». ein tur til nabobyen bayonne vart det også, før me vende attende til utgangspunktet: bilbao. på vegen der til hadde me eit kjapt stopp i guernica, byen som vart bomba av tyskerane. i bilbao tilbragte me eitt døgn før me returnerte til gamlelandet.
du skal få utfylgjande historiar frå kvar av stadene, følg med!

2 kommentarar leave one →
  1. Alexander permalink
    august 6, 2014 7:44 am

    Forstår jeg det slik at Spania – Frankrike-kampen endte 1 – 0 ?

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s

%d bloggarar likar dette: