smak og den haag

idag reiser me altså til bilbao i baskarland. me starta «dagen» klokka tre inatt, og tok klm sitt tidlegaste fly til amsterdam. der hadde me omlag fem timar å slå ihjel, så me tenkte å ta unna litt shopping. på schipol ordna me oss togbillettar og sette oss på toget inn til amsterdam sentrum. trudde me. men det viste seg at me var på veg til haag. me lot liksågodt sjebnen få viljen sin, me hadde ingen konkrete planar likevel. haag skulle visa seg å vera ein sjarmerande «liten» by med små gater og hus og ein kanal her og der. det vart varmare og varmare etterkvart, og me fann ut at det kanskje var like greitt å ikkje vimsa rundt i folkefylte amsterdam i den heten. me sette oss ned og tok ein kaffi og dagens tredje frukost på van prinsen & co, ei kjekk lita kneipe med god og skikkeleg mat på menyen. reint og fint var det óg der, sjølv om me holdt oss mest ute på fortauet. etter å ha vakna litt til live traska me vidare i små gater og nærma oss sakte men sikkert noko som likna eit handledistrikt. me fann dei aller kjekkaste butikkane rett før me måtte tenkja på å reisa attende til flyplassen, så me har noko shopping til gode. me kunne fint spasera attende til togstasjon, skikkeleg bra at me hadde kjøpt kvar vårt dagspass til kollektivtrafikken med andre ord. ingen vits i ein så liten by. flyet til schipol tok ein rask halvtime med gratis internett og behagelege seter.
så dersom du har nokre timar å bruka i amsterdam: vurder heller å gå på feil tog. du slepp trengsel og folkemengder og får sjå ein koseleg by du kanskje ikkje ville gjort elles.
no sit me på schipol og skulle eigentleg vore booka inn på flyet, men det er overoppheta, så det vert litt forseinkingar.