nedteljing pågår

det er over to månader sidan me var på reise sist, og snart har me sommarferie og ei ny reise ventar. om åtte dagar set me kursen mot baskarland (eller baskerland om du vil). eit stykke spania me har hatt lyst til å besøkja lengje. det ligg heilt mot nord ved biscayabukta, og den kjende pilgrimsruta mot santiago de compostela går forbi her. me tek fly til bilbao, og har ein leilighet som står og ventar på oss i san sebastian. denne byen likar å kalla seg både europa -og verda, sin mathovudstad. me skal med andre ord ikkje svelta her, og har allerede bestilt bord på to restaurantar. me har ikkje lest oss så mykje opp på destinasjonen denne gongen. iallefall ikkje så mykje samanlikna med tidlegare turar. me har ein visjon om å ta «skikkeleg ferie» denne gongen. slappa av, nyta livet og ta ting litt på sparket. etter fem netter i san sebastian tar me gjerne ein tur til biarritz, eller vindistriktet rioja, eller kanskje til pyreneane. vegen vert til medan me går!