reiseruta

nokre har etterspurd reiseruta vår, og her er det eg skreiv ned på norwegian sitt fly. grunna den dårlege internett-tilgongen på flyselskapet som skryt av å ha internett-tilgong på reisene sine, fekk eg ikkje posta. no sit me på heathrow og ventar på at gate’en vår skal opna.
den lange turen vår til andre sida av jorda har starta. me stod opp før sola, og no sit me på 9.15 flyet til london gatwick. etter eit par timars flytur skal me forflytte oss til heathrow flyplass. eg reknar med at me tar ein direktebuss og at det tar omlag ein time. etter dette har me mykje tid å slå ihjel. neste fly går ikkje før 17.50, så det kan bli mykje tax free shopping og dårleg flyplassmat. dersom me ikkje forlatar flyplassen for ein spasertur då. flyet me skal vidare med er royal brunei airlines. eg er usikker på reisetida, sidan me reiser over så mange tidssoner, men laurdag 17.30 (lokal tid) landar me i brunei. der blir det eit opphald på to og ein halv time før me skal opp att i lufta. søndag morgon 05.00 (l.t.) set me beina på australsk jord, nærare bestemt melbourne. og me skal vidare. 08.30 går neste fly, som 9.20 vil landa i adelaide. der blir me henta på flyplassen, og får endeleg slappa av og trekkja frisk luft.

oppdatering: det vart litt endringar i reiseruta, så istadenfor å ta direktebussen, fann me ut at me hadde så god tid at me like gjerne kunne ta ein tur inn til london. så me hoppa på eit tog som tok oss til victoria station. me spaserte litt i travle gater og fann ein fin pub der me inntok lunsj. me bestilte heldigvis mat før halve london rokk å koma inn å stilla seg i kø. me hadde mykje å bera på, så me vart ikkje lengje i storbyen før me tok tub’en til heathrow terminal 4 kor me er no. i innsjekkingskøen til brunei stod ei heil rekkje unge gutar med militærsekkar. ein kan berre lure på kva dei har i møte.
no skal me gå til gate’en og det viser seg at me skal via dubai. satsar på ein behageleg flytur med god mat. snakkast!