yoga og velværehelg på voss

denne helga var det tid for å settja kropp og sjel i fokus. me hadde fått tips frå vår tidlegare yogainstruktør på elixia laksevåg om at det var ein gjeng som skulle reise til voss for å bu og trene saman på fleischer’s hotell. gjengen var så liten som ein gjeng kan bli, med to instruktørar og fem deltakerar, noko som eigentleg berre var ein fordel. alle fekk den oppfølgjinga og merksemda dei trengde og burde få.
eg og mannen, som begge trenar yoga jamnleg, benytta anledninga til å ta toget frå bergen til voss. 75 minuttar der ein får slappa av, nyta vestnorsk landskap og forflytta seg milevis i komfortable seter. ikkje er det særleg dyrt heller. me ankom voss i halv fem tida, sjekka inn med ei hyggjeleg resepsjonist og bestemte oss for å kasta oss i bassenget før dei andre yogiane kom. der hadde me heile bassengområdet for oss sjølv. noko som var veldig behageleg. me låg i boblebadet, som haldt ein temperatur på 35°C og symde nokre lengder i bassenget (29°C). for å få bobler i boblebadet måtte ein putte på pengar, men sidan me ikkje hadde myntar nøydde me oss med varmen. ein kunne også bruke sauna og solarium. fyrste punkt på programmet var yogatime. dette var ein såkalla yin-time, der fokuset var på å «lande litt». ein roleg time der ein låg i dei ulike øvelsane lenger enn vanleg, utan at det skulle vera så fysisk anstrengande. på mange måtar ein fin «avslutning» på ei travel veke. etterpå samla me oss for å ete middag saman på hotellet sin restaurant magdalene. her velde alle buffé, og me gjekk og forsynte oss eit ukjend antal gonger. ein kunne velgja mellom kaldrettar som pålegg, og varmrettar som laks i kvit saus og kjøttkaker i brun saus. hovudfokuset var på sjømat, så for ein som meg som ikkje ét kjøt var dette perfekt! me la oss gode og mette og sette klokka på halv åtte neste morgon.

og for ein morgon! ikkje nok me at me var veldig nøgd med hotellrommet vårt som var stort og romlsleg,  med eigen balkong og fantastisk utsikt, men å vakna til voss bada i morgonsol –noko av det finaste! me kunne sikkert ha tilbragt heile morgonen på balkongen med kaffikopp og ei god bok, men første yogatime for morgonfuglane venta. no var det litt meir kjende yogaøvelsar som venta, med solhelsingar (!), krigerar og tvistar. og etter ein så flott start på dagen må jo som kjend heltar ha både mat og drikke. og frukostbufféen til magdalene’n skuffa heller ikkje no. til og med lappar (også kjend som sveler) låg og venta på oss. me sat vel og lenge og nytte god mat og samtale. etter frukosten hadde eg booka ein time med ein av instruktørane, wenche sætre hjelmeland, som er polaritetsterapeut. eg kjenner ofte på stiv nakke og skuldre, så dette var eit flott tilbud. wenche er proff og fann dei rette punktene å trykkje på, og terapitimen var gull verdt. no hadde me litt «fritid» som me kunne bruke på kva me ville, så eg og mannen spaserte eit stykkje rundt vangsvatnet før me svinga inn mot sentrum. me gjekk i dei små, koselege handlegatene og såg på livet.
lunsjen kjøpte me på ein matbutikk og tok den med oss på balkongen vår, som kjendest som den lunaste, finaste plassen på heile voss. neste treningstime nærma seg, og no var det trening med ball. me rulla og knepte, både på, over og rundt ballen. etter kvar yogatime er det alltid sett av tid til avspenning. ei roleg stund der du berre ligg og samlar deg etter å ha brukt heile kroppen. det var ei lita stund til me skulle samlast for å eta middag, så nokre gjekk i bassenget, medan nokre gjorde seg klar. denne kvelden var det fire rettar fastsett meny. den starta med laks og rømme, før me fekk heimelaga tomatsuppe. hovudretten var oksekjøt, men sidan eg ikkje et kjøt var eg så heldig å få heilt perfekt torsk. til dessert var det vaniljeparfait. alt i alt ein fortreffeleg samansetning med mat. me vart både overraska og svært glade då servitørane etterpå kunne fortelja oss at middagen var inkludert i opphaldet. dette var ein fin gest for oss, som hadde fått opphaldet fiksa av wenche si svigerinne allette hjelmeland, som er femte generasjon marknadssjef på fleischer’s.
tidlegare på dagen hadde me spurt resepsjonsdama om dei hadde storskjerm i baren, for det var jo sjølvaste grand prix finaledagen! det hadde dei, og ho skulle sjekke om dei kunne rulle den ut. og etter middagen var det jammen klart for grand prix party på fleischer’s! me yogiane benka oss og fekk med oss både carl espen frå osterøy og conchita frå austerrike. stemmegivinga såg me frå rommet med litt smågodt som seg hør og bør på ein laurdagskveld.

søndag morgon starta ikkje fullt så tidleg, og det var herleg å starte med nok ein lang og god buffé. etterkvart gjekk me ned til hot spot, hotellnattklubben som for tida var omgjort til vår treningssal. vår siste yogatime var kalla TWOgether og gjekk ut på at me saman to og to skulle gjere øvelsar. saman lærte me mykje, både av å sjå og å gjere, og byte på å være lærar og elev. me avslutta med avspenning og takka alle saman for ei kjempeflott helg saman. spesielt flinke var sjølvsagt dei to instruktørane våre margunn aguilar og wenche sætre hjelmeland som gjekk heilhjerta inn i denne helga med oss.
me sette oss på toget og nytte den vakre turen heim att.