den spede start

dette innlegget skal handle litt om grunnen til at eg ville lage min eigen reiseblogg. me skulle nemleg på tur hausten 2010. eg kjøpte lonely planet sin «europabibel» og bladde meg fram til den franske rivieraen. det var dit me ville reise. nice og deromkring. gjerne sole oss litt med rikingane i monaco og saint-tropez til og med! men etterkvart som eg leste, dukka det også opp ei øy; nemleg korsika. eg hadde jo sjølvsagt høyrt om denne før, men visste fint lite. det folk flest veit om korsika er at det var napoleon sin fødestad. det var heller ikkje allverda som stod i lonely planet om denne perla av ei øy. eg trålte internett for artiklar. reiseforum og søkemotorar -alle middel vart teke i bruk, men utan mykje hell. eg trur eg fann til saman 2 eller 3 artiklar, og éin blogg der korsika var omtala. det vart med andre ord ikkje så enkelt å gjere research på denne måten. dermed tok eg turen ned på byens beste reisekafe; chillout! her kan eg gå rundt og berre sjå på alle reisebøkene, alt reisetilbehøret(som du ikkje visste at du trengte)og berre drøyme meg bort. det er som å ta ei lita reise i seg sjølv. men eg fann også det eg leita etter; «lonely planet corsica». frå no av kunne planleggjinga byrje!
eg sakna ein god reiseblogg å få tips frå då eg skulle planleggje denne reisa. dersom eg no kan vere til hjelp for andre, har eg oppnådd det eg ville! god reis!